دریچہ ادب

 اداسی نظم  اُداسیوں کا سبب جو لِکھنا، تو یہ بھی لِکھنا...!! کہ چاند تارے، شہاب آنکھیں...!! بدل گئے ہیں...!! وہ زِندہ لمہے جو تیری...!! راہوں میں تیرے آنے کے مُنتظر تھے...!! وہ تھک کے سایوں میں ڈھل گئے ہیں...!! وہ تیری یادیں، خیال تیرے...!! وہ رنج تیرے، وہ ملال تیرے...!! وہ تیری آنکھیں، سوال تیرے...!! وہ تُم سے میرے تمام رشتے...!! بِچھڑ گئے ہیں، اُجڑ گئے ہیں...!! اُداسیوں کے سبب جو لِکھنا، تو یہ بھی لِکھنا...!! لرزتے ہونٹوں پہ لڑکھڑاتی...!! دُعا کے سُورج پِگھل گئے ہیں...!! تمام سَپنے ہی جل گئے ہیں...

  جھوٹ چہرے پہ سجانا نہیں آیا مجھ کو زندگی تجھ کو بِتانا نہیں آیا مجھ کو رہ کے دنیا میں بھی سیکھی نہیں دنیا داری کر کے احسان جتانا نہیں آیا مجھ کو دنیا ٹھیٹر ہے تو ناکام اداکار ہوں میں کوئی کردار نبھانا نہیں آیا مجھ کو ایک ہی شخص کی خواہش میں رہا سرگرداں در بدر خاک اڑانا نہیں آیا مجھ کو لطف تو جب تھا وہ خود کرتا محبت محسوس کہہ کر احساس دلانا نہیں آیا مجھ کو کچھ تو یہ دل بھی ہے تنہائی پسند اور اس پر عمر بھر دوست بنانا نہیں آیا مجھ کو تُو سمجھتا ہے کہ میں ترکِ تعلق پہ ہوں خوش روٹھنے والے منانا نہیں آیا مجھ کو

  محبت کی جھوٹی اداؤں پہ صاحب  جوانی لٹانے کی کوشش نہ کرنا بڑے بے مروت ہیں یہ حسن والے کہیں دل لگانے کی کوشش نہ کرنا ہنسی آتی ہے اپنی بربادیوں پر نہ یوں پیار سے دیکھیۓ بندہ پرور  مِرے دل کے زخموں کو نیند آ گئی ہے انہیں تم جگانے کی کوشش نہ کرنا محبت تو ہے ایک کاغذ کی ناؤ،  اُدھر بہتی ہے جس طرف ہو بہاؤ نظر کے بھنور میں نہ تم ڈوب جاؤ،  نگاہیں ملانے کی کوشش نہ کرنا ٹھہر جاؤ آنکھوں میں تھوڑا سا دم ہے،  تمہیں دیکھ لیں ورنہ حسرت رہے گی بناتے رہے ہو ہمیں زندگی بھر،  مگر اب بنانے کی کوشش نہ کرنا ستمگر سے جور و ستم کی شکایت،  نہ ہم کر سکے ہیں نہ ہم کر سکیں گے مرے آنسوؤ! تم مِرا ساتھ دینا،  انہیں تم بتانے کی کوشش نہ کرنا شمع بن کے محفل میں ہم جل رہے ہیں،  مگر دل کی حالت ہے پروانوں جیسی خدا کی قسم جان دے دیں گے تم پر،  ہمیں آزمانے کی کوشش نہ کرنا مسرور انور

  چشم نم جان شوریدہ کافی نہیں  تہمت عشق پوشیدہ کافی نہیں  آج بازار میں پا بہ جولاں چلو  دست افشاں چلو مست و رقصاں چلو  خاک بر سر چلو خوں بداماں چلو  راہ تکتا ہے سب شہر جاناں چلو  حاکم شہر بھی مجمع عام بھی  تیر الزام بھی سنگ دشنام بھی  صبح ناشاد بھی روز ناکام بھی  ان کا دم ساز اپنے سوا کون ہے  شہر جاناں میں اب با صفا کون ہے  دست قاتل کے شایاں رہا کون ہے  رخت دل باندھ لو دل فگارو چلو  پھر ہمیں قتل ہو آئیں یارو چلو  فیض احمد فیض ❤️